Arbëreshët nderojnë Dua Lipën dhe Callum Turner në ditën e martesës

Me rastin e martesës së Dua Lipës dhe Callum Turner, komuniteti arbëresh i Piana degli Albanesi (Hora e Arbëreshëvet) në Sicili i ka bërë një homazh të veçantë çiftit.

Të sapomartuarve u janë dhuruar vathët tradicionalë arbëreshë “Panieri”, të punuar tërësisht me dorë nga mjeshtrit argjendarë të Gli Ori di Piana Lucito, si simbol i traditës dhe kulturës arbëreshe.

Po ashtu, një grup prej dhjetë vajzash të veshura me kostumet tradicionale të Piana degli Albanesi kanë dhuruar një performancë të veçantë për të pranishmit, të shoqëruara nga muzikanti Pierpaolo Petta, i cili interpretoi këngë arbëreshe.

Në këtë ceremoni morën pjesë edhe drejtuesit e komunës së Piana degli Albanesi, duke e kthyer këtë në një moment krenarie për komunitetin arbëresh dhe kulturën shqiptare në Itali.