Krizat globale dhe zhvillimet ushtarake, që po grumbullohen që nga viti 2008, po e forcojnë sërish presionin e inflacionit. Kryetari i Odës Ekonomike Branko Azeski, paralajmëron se pritet rritje e inflacionit, gjë që do të ndikojë në punën e të gjitha kompanive dhe sektorëve ekonomikë.
“Mund të ndodhë ndonjë skenar i paparashikueshëm; mendoj se problemet e shtyra për një kohë të gjatë me krizat në Evropë dhe në botë, që nga viti 2008 e këtej, do ta rrisin inflacionin dhe kjo me siguri do të ndikojë në punën e të gjithëve, por normalisht kjo do të jetë prioriteti i parë i një lufte që duhet patjetër të fitohet, sepse pa e fituar atë luftë profesionet tona”, deklaroi Branko Azeski, kryetar i Odës Ekonomike.
Sipas tij, autoritetet duhet të miratojnë masa të synuara, sepse mos marrja e tyre mund ta thellojë dhe ta komplikojë më tej situatën.
“Ne duam që ajo mbështetje të shprehet drejtpërdrejt nga ana e Qeverisë; ne duam që ata të marrin një masë absolute, sepse pa eksportin një vend i vogël si i yni nuk ka asnjë shans të prodhojë dhe të shesë produkte; dhe e treta, më e rëndësishmja, është se ne kërkojmë të kemi një orientim të tillë që të kontrollohemi/verifikohemi dhe t’i ndjekim trendët botërore. Pa shitje jashtë shtetit, nuk ke nevojë të ndërtosh standarde dhe konkurrueshmëri, e pa to as që mund të shesësh produkt jashtë”, theksoi Branko Azeski, kryetar i Odës Ekonomike.
Inflacioni arriti në 4,9 për qind, ndërsa sipas Lidhjes së Sindikatave të Maqedonisë, shporta sindikale që nga fillimi i vitit është rritur për 3.300 denarë dhe madje 85 % e kësaj rritjeje i referohet ushqimeve dhe pijeve. Kështu, sipas tyre, goditja më e madhe nuk vjen nga shpenzimet dytësore, por nga produktet bazë pa të cilat asnjë familje nuk mund ta kalojë muajin./Alsat.mk.
