Më datë 14 shkurt, me fillim nga ora 20:00 në skenën e Operës dhe Baletit Nacional në Shkup, do të shfaqet opera “Madame Butterfly” nga Giacomo Puccini.
“Madame Butterfly” është një nga operat më emocionuese dhe më të famshme në letërsinë botërore të operës. Puccini kombinon me mjeshtëri elemente të kulturës perëndimore dhe lindore, duke krijuar momente muzikore tepër të fuqishme dhe dramatike që prekin zemrën e çdo dëgjuesi. “Nëse nuk jam i prekur, nëse libreti nuk më prek zemrën…atëherë nuk është për mua, Puccini e dinte saktësisht se çfarë kërkonte në një operë libreto, dhe fakti që historia e “fluturës” delikate japoneze e ka prekur thellë, pasqyrohet në çdo notë të partiturës së operës së tij të famshme.
Dirigjente e shfaqjes është Bisera Chadlovska, në regji të Aleksandar Tekeliev nga Bullgaria. Skenografia është e Zhivojin Trajanoviqit, ndërsa kostumografe Lira Grabul. Koncertmaster është Kliment Todoroski, kurse në kor janë Jasmina Gjorgeska dhe Gjurgica Dashiq.
Në rolin kryesor do të interpretojë Sandra Mitrovska, në rolin e Pinkertonit do të interpretojë Zoran Sotirov, në rolin e Sharplessit Marjan Jovanoski, ndërsa rolet e tjera do t’i interpretojnë: Marika Popoviç, Dejan Stoev, Neven Siljanovski, Igor Ginovski, Sonja Pendovska Madevska, Valentina Dimitrievsko, Kalin Bejevski, Marko Dimovski Marko Gapo, Darko Stanojlovski, Borko Bixhovski , Filip Mirçevski , Nikolla Çedomirovski, Shinasi Ramadan, së bashku me korin dhe orkestrën e Operës dhe Baletit Kombëtar.
