Moti sot do të jetë i ndryshueshëm me vranësira dhe periudha më të gjata me diell. Do të fryjë erë e lehtë deri mesatare kryesisht nga veriu. Temperatura minimale do të jetë në intervalin -3 deri në 5 gradë, ndërsa maksimale do të arrijë nga 13 deri në 19 gradë Celsius.
Në Shkup do të mbajë mot me vranësira të ndryshueshme me periudha me diell. Do të fryjë erë e dobët deri mesatare nga veriu. Temperatura minimale do të bjerë në 3, ndërsa maksimale do të arrijë 19 gradë Celsius.
Sipas njoftimit nga Administrata Hidrometeorologjike (AHM), nesër moti do të jetë i qëndrueshëm, i thatë dhe më i ngrohtë gjatë ditës. Do të fryjnë erëra mesatare deri të forta, dhe herë pas here të forta nga jugu. Nga orët e mbrëmjes, zona jonë do të bjerë nën ndikimin e aktivitetit ciklonik, i cili do të shkaktojë një periudhë moti të paqëndrueshëm dhe të ftohtë me reshje lokale. Reshje më të bollshme do të ketë të premten, kur do të ketë edhe kushte për shfaqjen e stuhive të rralla. Për shkak të depërtimit të një mase ajrore më të ftohtë, reshjet do të shndërrohen në borë në male dhe në disa nga vendet më të larta.
