Presidenti amerikan, Donald Trump, deklaroi mbrëmë se konsideron që lufta në Iran “praktikisht ka përfunduar nga aspekti ushtarak”.
“Lufta me Iranin praktikisht ka përfunduar nga aspekti ushtarak. Ne vetëm po e ruajmë status quo-në”, deklaroi Trump në Shtëpinë e Bardhë, pas takimit me kryeministrin e Katarit.
Presidenti amerikan shtoi se Irani është “i gjunjëzuar dhe pa udhëheqje”, por theksoi se administrata e tij vazhdon të kërkojë një zgjidhje afatgjatë për neutralizimin e programit bërthamor të Teheranit.
“Në këtë moment, nuk duket se ka ndonjë nevojë të madhe për veprime ushtarake. Megjithatë, jemi të gatshëm të veprojmë nëse ndryshojnë rrethanat”, tha Trump.
Ai përsëriti se beson që konflikti me Teheranin do të përfundojë së shpejti.
PORTA24 është një portal informativ që ofron lajme dhe përmbajtje të larmishme në shqip. I themeluar me synimin për të qenë një burim i besueshëm informacioni, PORTA24 mbulon një gamë të gjerë temash, duke përfshirë aktualitetin, politikën, ekonominë, kulturën, sportin dhe teknologjinë.