Zbardhen detaje të reja në lidhje me aksidentin tragjik në zonën e Ish Kënetës në Durrës, ku Nikoll Radaçi, në gjendje të dehur përplasi për vdekje dy fëmijë teksa po luanin në trotuar.
Ai ka deklaruar se rreth orës 14:00 ka dalë nga shtëpia bashkë me mjetin me targa AB 909 PC për të marrë një vegël pune tek një shoku i tij.
“Unë po drejtoja automjetin në korsinë e djathtë, papritur në rrugicë lagjeje doli një automjet, unë devijova për të shmangur këtë automjet dhe kam përfunduar sipër trotuarit të anës së majtë të rrugës. Pasi hipa mbi trotuar, jam përfshirë në aksident me disa fëmijë që ndodheshin mbi trotuar. Automjeti që unë drejtoja nuk ka arritur të ndalojë dhe kam shkuar disa metra më përpara. Unë dola nga makina dhe kam shkuar tek një dyqan aty pranë punonjësve të dyqanit, u kam thënë të njoftojnë policinë pasi kam bërë aksident. Unë kam qëndruar tek dyqani deri sa erdhi policia dhe më mori për në komisariat”, ka dëshmuar ai.
Top Channel
