Bisedimet ndërmjet SHBA-së dhe Iranit sollën “përparim të rëndësishëm”, edhe pse nuk është arritur marrëveshje përfundimtare, deklaroi nënpresidenti amerikan Xhej Di Vens.
Vens në deklaratën për televizionin amerikan „Fox News“ tha se nuk mund të thotë se bisedimet nisën ndryshe. “Përkundrazi, kishte edhe momente pozitive. Arritëm përparim të madh”, deklaroi duke shtuar se pala iraniane ka bërë disa lëshime të caktuara, por të pamjaftueshme.
Bisedimet e mbajtura gjatë fundjavës në Islamabad zgjatën rreth 21 orë, si përpjekje që të arrihet marrëveshje për ndërprerjen e konfliktit në Lindjen e Mesme.
Vens nuk saktësoi se kur mund të vazhdonin bisedimet, duke theksuar se “topi është në anën iraniane”. Ai theksoi se kontrolli ndaj uraniumit të pasuruar dhe vendosja e mekanizmit për kontroll që të parandalohet zhvillim i armës bërthamore janë “vijat e kuqe” kyçe për Uashingtonin.
Sipas tij, bisedimet përfunduan pa marrëveshje sepse negociatorët iranianë nuk arritën kompromis përfundimtar, por njëkohësisht dhanë mbikëqyrje më të mirë në atë se kush i sjell vendimet kyçe në Teheran.
Nga Pakistani paralajmëruan se do të vazhdojnë ta luajnë rolin e ndërmjetësuesit në dialogun mes dy palëve. Kryeministri Shehbaz Sharif deklaroi se po punohet në tejkalimin e dallimeve për “disa çështje”.
Pakistani gjatë periudhës së kaluar pozicionet si ndërmjetës kyç ndërmjet Teheranit dhe Uashingtonit, duke pasur rol të rëndësishëm edhe në arritjen e armëpushimit dyjavor javën e kaluar.
