Presidenca franceze sot e publikoi përbërjen e trupit të ri qeveritar, të udhëhequr nga kryeministri Sebastian Lekornu, ku ka edhe fytyra të njohura edhe të reja.
Siç njoftoi Frans24, qëllimi i formimit të Qeverisë është të shmanget thellimi i krizës politike në vend.
Në përbërjen e re, Zhan-Noel Baro mbetet ministër i Punëve të Jashtme, ndërsa funskionin ministër i Forcave të Armatosura e ndërmerr ministrja e deritanishme e Punës, Katrin Uotren.
Kryeministri Lekornu deklaroi se qeveria është përbërë “që t’i sigurojë buxhet Francës para fundit të vitit”.
“E vetmja gjë që ka rëndësi është interesi i vendit”, theksoi ai në rrjetin social “X”, duke falënderuar ministrat, “të cilët marrin pjesë në këtë trup qeveritar plotësisht të lirë, pa marrë parasysh interesat personale dhe partiake”.
