Evropa dhe SHBA-ja janë “të bashkuara në përpjekjet për dhënien fund të kësaj lufte të tmerrshme” në Ukrainë, njoftoi sekretari i përgjithshëm i NATO-s, Mark Rute, pas bisedës së “shkëlqyer” me presidentin amerikan Donald Tramp dhe liderëve evropianë.
“E vlerësoj lidershipin e Trampit dhe koordinimin e ngushtë me aleatët. Topi tani është në oborrin e Putinit”, publikoi Rute në X, para takimit të Trampit në Alaskë të premten me presidentin rus Vladimir Putin.
