Kryetari i Bashkimit Demokratik për Integrim, Ali Ahmeti përmes një postimi ka uruar ditën e Europës duke shënuar se kjo ditë është simbol i paqes dhe bashkëpunimit mes vendeve europiane ndërsa shton se “Ne do të vazhdojmë të kontribuojm, siç kemi bërë gjithmonë, në drejtim të integrimit të plotë të vendit në BE dhe të ndërtojmë një të ardhme të përbashkët mbi vlerat e demokracisë, barazisë dhe drejtësisë.”, shkruan Top24
Urime 9 Maji – Dita e Evropës
Kjo ditë është simbol i paqes dhe bashkëpunimin midis vendeve evropiane, duke dëshmuar vlerat e unitetit, demokracisë dhe solidaritetit.
Çdo 9 maj kujtojmë përpjekjet tona të vazhdueshme për tu bërë pjesë e familjes së madhe europiane, si e vetmja alternativë për një të ardhme më të sigurt dhe më me perspektivë për vendin dhe gjeneratat e ardhshme.
Ne do të vazhdojmë të kontribuojm, siç kemi bërë gjithmonë, në drejtim të integrimit të plotë të vendit në BE dhe të ndërtojmë një të ardhme të përbashkët mbi vlerat e demokracisë, barazisë dhe drejtësisë.
