Kryeministri i Maqedonisë, Hristijan Mickoski, është duke filluar në një ofensivë diplomatike gati njëjavore në Mynih të Gjermanisë dhe Uashington të SHBA.
Duke filluar nga nesër, për tre ditët e ardhshme, në Mynih do të mbahet Konferenca e Sigurisë së Mynihut, ku liderët politikë nga e gjithë bota do të mblidhen për të trajtuar çështjet aktuale që lidhen me konfliktin Rusi-Ukrainë, çështjet e politikës së sigurisë së NATO-s dhe dialogun e anëtarësimit me BE-në, transmeton Lideri.mk.
Pjesa më intwresante e konferencës do të jetë ishte nëse i dërguari i presidentit amerikan Donald Trump për Rusinë dhe Ukrainën, Keith Kellogg, do të prezanton planin e tij të shumëpritur të paqes në kryeqytetin e shtetit gjerman të Bavarisë.
Kryeministri Mickoski do të udhëheqë një delegacion qeveritar që do të marrë pjesë në Konferencën e Mynihut, ku do të mbajë fjalim dhe do të marrë pjesë në ngjarjen finale të përmbylljes së konferencës kushtuar negociatave për anëtarësim në BE në Ballkanin Perëndimor, si dhe në panelin e Politikës së Jashtme, ku do të flasë për gjeopolitikën, sigurinë energjetike dhe rolin në ndryshimet në nivel global.
Në të njëjtën kohë priten edhe më shumë takime dypalëshe me përfaqësuesit e BE-së dhe homologët e tyre nga rajoni, transmeton Lideri.mk.
Ky rast do të shfrytëzohet për të prezantuar përpjekjet e Maqedonisë në rrugën drejt BE-së dhe nevojën që Unioni të jetë më i përkushtuar për integrimin e Maqedonisë dhe të vlerësojë përpjekjet e bëra deri më tani.
Pas konferencës, Mickoski do të udhëtojë për në Uashington, ku për herë të dytë brenda një periudhe të shkurtër do të marrë pjesë në një manifestim të Partisë Konservatore Amerikane, më saktësisht CPAC, që është tubimi më i madh i konservatorëve. Aty pritet edhe fjalimi i tij.
