BallinaLAJMEDita e dytë e vizitës zyrtare në vend të presidentes së Indisë

Dita e dytë e vizitës zyrtare në vend të presidentes së Indisë

Presidentja e Indisë, Drupadi Murmu në ditën e dytë të vizitës zyrtare në vend, sot bashkë me presidenten Gordana Siljanovska Davkova do t’i vizitojnë Shtëpinë Përkujtimore të Nënës Terezë dhe Muzeun e Qytetit të Shkupit, ku do të flasin në ceremoninë e zbulimit të bustit të Mahatma Gandit.

Pas ceremonisë në Muzeun e qytetit të Shkupit, presidentja Siljanovska – Davkova dhe presidentja Murmu do të nisen drejt Ohrit, ku do ta vizitojnë kompleksin e manastirit Shën Naum, si dhe manastire dhe kisha në Qytetin e Vjetër të Ohrit.

Dje, në ditën e parë të vizitës së presidentes indiane bashkë me delegacionin qeveritar dhe të biznesit, në takimin në Vila Vodno me Siljanovska Davkovën, i konfirmuan marrëdhëniet miqësore, vlerat e përbashkëta dhe respektin e ndërsjellë ndërmjet Maqedonisë dhe Indisë.

Siç tha presidentja në konferencën e përbashkët për media me Murmu, e konfirmuan vendosmërinë e përbashkët që marrëdhëniet dypalëshe të ngriten në nivel edhe më të lartë, e përshëndetën intensitetin e përforcuar të dialogut politik pas shkëmbimeve të ministrave ndërmjet Shkupit dhe Nju Delhit dhe u pajtuan se kontaktet ndërmjet qeverive, ministrive, parlamenteve dhe institucioneve duhet të bëhen më të shpeshta, më mirë të strukturuara dhe më ambicioze.

Dita e dytë e vizitës zyrtare në vend të presidentes së Indisë

Lajme te lidhura

spot_img