Tre raste të ndara të dhunës dhe shqetësimit janë denoncuar gjatë ditës së djeshme në Shkup, njofton Ministria e Punëve të Brendshme.
Rasti i parë është denoncuar rreth orës 19:30, kur një grua 35-vjeçare në SPB Shkup ka raportuar se në territorin e Shuto Orizares është sulmuar fizikisht nga partneri i saj jashtëmartesor, E.M.
Një orë më vonë, në orën 20:30, një grua 41-vjeçare ka denoncuar se ish-partneri i saj jashtëmartesor, M.A., e kishte shqetësuar psikikisht dhe i kishte drejtuar kërcënime.
Në rastin e tretë, rreth orës 22:15, E.S. (33) nga Shkupi ka denoncuar se djali i saj i mitur ishte sulmuar fizikisht nga dy të mitur në një autobus në territorin e Çairit. Sipas denoncimit, sulmi ka ndodhur rreth orës 21:50.
Nga Ministria e Punëve të Brendshme informojnë se po ndërmerren masa për zbardhjen dhe dokumentimin e plotë të të gjitha rasteve.
