Koalicioni VLEN ka përshëndetur vendimin e Qeverisë për emërimin e Fadil Xhelilit si ushtrues detyre të Kryetarit të Komunës së Gostivarit dhe Bujamin Kadriut si ushtrues detyre të Kryetarit të Komunës së Vrapçishtit.
Në njoftimin e VLEN theksohet se të emëruarit konsiderohen figura profesionale dhe të respektuara, të cilët pritet ta ushtrojnë detyrën me dinjitet, profesionalizëm dhe përkushtim ndaj qytetarëve.
VLEN gjithashtu deklaron se pret një fitore të qartë në zgjedhjet e 11 janarit, duke theksuar se qytetarët do të zgjedhin udhëheqjen që, sipas tyre, garanton “ndryshim të vërtetë, qeverisje të përgjegjshme dhe zhvillim të qëndrueshëm”.
